02/04/2013 19:00:39

Çështja 'Krane' në Sarandë

Kambanat bien për ata që kanë nevojë për mbrojtje

SARANDE- Shoqëria jonë reagon pas krimit, ndërsa heshtim kur nuk parandalohet në emër të paragjykimit, dobësisë, humbjes së privilegjeve duke mbrojtur ligjin.

Historia e voglushes së Kranes që akuzonte bashkjetuesin e nënës për përdhunim, u tulat disi në këta 5 muaj. Tronditja e opinionit nga rasti kriminal “Prrenjasi” e riktheu vëmendjen zyrtare edhe në Gjykatën e Sarandës për rastin “Kranea”, duke përshpejtuar hetimet drejt seancës së parë të gjykimit.

Kambanat e së dielës së fundit të marsit në Sarandë më ushtojnë ndërsa para syve kam portretin e trembur të gruas K.C dhe voglushes që mbante për dore, atje në trotuarin e Gjykatës. Dera e hekurt hapet, portreti i të akuzuarit tregon tërbim. I drejtohet asaj gruas me zë të egër “na more në qaf, më sill cigare”, dhe policët e fusin në makinë.

Voglushja e sjell aty me shpresën e avokatit se do të pyetej për të rrëzuar akuzën, për të ndihmuar klientin “e pafajshëm, trembet nga dalja e Panajotit, zbehet ne fytyrë dhe fshihet pas të ëmës. Askush nuk do t’ja dije për të, përveç prokurorit të çështjes që ka rezistuar në 5 muaj hetime pa bërë komente.

Jashtë gjykatës, mes avokatit dhe fshatit Krane
Gruaja tërheq vajzën përdore dhe këkron tek avokati i çështjes shpjegime. Asaj i ishte premtuar se ai “Panajoti” do dilte se është i pafajshëm, ndërsa ajo nëse s’i provon pafajësinë do të futet edhe vetë në burg.

Alibia e Zhuljetës xheloze, aty ku ajo K.C u përdor mediatikisht si e dashuruar me “Pandon”, ka mbetur pas. Hijet e presionit se ajo mbase nuk ka kallzuar krimin më parë e mbajnë gruan në ngërç. Dy fëmijët e saj janë paragjykar në këto 5 muaj. Pa dijeninë e prokurorit, vajza e dëmtuar i është nënshtruar vizitave te ekspertëve privatë në Tiranë, ku avokati ka isistuar të gjejë pafajësinë e klientit.

Në Krane, në fshatin e komunës Mesopotam, gruaja K.C dhe 2 fëmijët e saj jetojnë atje në shtëpinë e “të akuzuarit”, në shoqërinë e njerëzve të famijes së tij. Një video porno e shpëtuar nga faza e hetimeve e ka vënë gruan nën presion të ngacmimeve të disa prej fshatarëve, si dhe nën paragjykimin se fëmijët janë përdorur edhe për xhirime të skenave porno.

Në kushtet e presionit të burgut apo heqjes së kujdestarisë, gruas K.C i mbetet të marrë në mbrojtje me çdo mënyrë të akuzuarin e Prokurorisë dhe ende askush s’ka ofruar asistencë për fëmijët e dëmtuar. Motër e vëlla janë shumë inteligjentë dhe ndihen të qetë me nënën e tyre, larg “Panajotit”.

Kryetari i komunës Mesopotam, Themistokli Kaishi nuk e ka të qartë ligjin e ndihmës të njerëzve në nevojë, të drejtat e shtetasit shqiptar në nenin 1 të Kushtetutës. Zoti Kaishi pohon se “Gruaja dhe dy fëmijët e saj nuk janë banorë të komunës, nuk kam pse t’i ndihmojë. “Ata nuk rezultojnë të jenë banorë të komunës, në Krane, mbase punojnë 100 njerëz. C’punë kam unë me ta, komuna s’mund të jetë përgjegjëse. Psikologët le të merren me ta”.

Në fakt, në shkollë fëmijët janë të ngacmuar nga bashkmoshatarët, vajza edhe mungon ndonjëherë, po nëna e tyre çdo ditë punon. Në oborrin që ka ndryshuar nga duart e K.C, fle e vërteta e hidhur e abuzimit me fëmijën. Gjinekologu tregon se momentet e para të mbërritjes së K.C në maternitetin e Sarandës ishin tronditëse.

Ajo donte të dëgjonte nga mjeku se vajza ishte mirë, se s’kishte pësuar asgjë. Mjeku kërkoi letrën e komisariatit që të kryente vizitën dhe kështu u hap dhe ngjarja e rëndë e abuzimit e kostatuar nga nëna në kushtet e flagrancës, djali më i vogël i familjes si dhe më pas nga psikologia e vajzës së mitur pyetur të shtunën në komisariatin e Delvinës.

Pas arrestimit të Panajot Anagnostit, në shtëpinë e tij aty ku banonin fëmijët dhe, nëna e tyre ka patur mysafirë të panjohur për voglushët. Nëna në kushtet e presionit ka pranuar të dale me deklaratën e gruas së dashuruar marrëzisht. Ajo nuk ka ku të shkoje në këto kushte.

Dëshmia e saj nuk u mor në mbrojtje. As viktima, voglushja e traumatizuar. Nën kthetrat e mbrojtjes ato janë kavjet ku eksperimentohet me presion për të provuar se asgjë s’ka ndodhur. Në kushtet e një realiteti me mbështetje sociale kjo mund të ishte përgjegjësi vetëm e nënës K.C. Në të përditshmen tonë kemabant bien për vëmendje për të pambrojturit.

Laureta Roshi

Dërgo me email | Stampo artikullin