02/04/2013 17:50:31

497 studentë të helmuar nga ushqimi

Studentët e Universitetit Al Azhar janë helmuar pasi konsumuan ushqim në mensën e qendrës në Nasr City

ROMË - Të paktën 497 studentë të Universitetit egjiptian 'Al Azhar', qendra më e njohur e studimeve teologjike sunite, rezultojnë të jenë intoksikuar nga ushqimi, njoftuan burime nga Ministria egjiptiane e Shëndetësisë, që citoheshin nga media vendase në Kajro. ''Janë të paktën 497 studentë të Universitetit Al Azhar, qendra më e rëndësishme e studimeve teologjike e botës sunite, të cilët rezultojnë të jenë helmuar pasi kanë konsumuar ushqim në mensën e qendrës në Nasr City'', thuhej në një komunikatë të bërë nga Ministria e Shëndetësisë, që citohej nga shtypi i kryeqytetit. Po ashtu burime të medias njoftuan se studentët janë dërguar nëpër spitale, për të marrë ndihmën e parë mjekësore dhe për të bërë verifikime të mëtejshme të pasojave të helmimit.

HermesNews - ©2013

Dërgo me email | Stampo artikullin