30/03/2013 09:46:56

Gjenden peshkataret e humbur ne mes te detit

Kroçera ka ndërprerë lundrimin dhe sipas Konventave Ndërkombëtare, në bashkëpunim edhe me kapitenerinë e Portit të Durrësit, ka nisur operacionin për shpëtimin e tyre

DURRËS - Kapiteni i Portit të Durrëesit, Hysni Aruçi, bëri të ditur të shtunën se "dy peshkatarët e humbur mëngjesin e djeshëm në hapsirën detare të gjirit të Vlorës, janë gjetur nga Kroçera Costa Vouager, pranë ishullit të Sazanit, rreth 2 milje në veri të tij dhe 10 milje larg nga grykëderdhja e lumit Shkumbin.

Kapiteni tregon se "Kroçera ka ndërprerë lundrimin dhe sipas Konventave Ndërkombëtare, në bashkëpunim edhe me kapitenerinë e Portit të Durrësit, ka nisur operacionin për shpëtimin e tyre. Më pas ajo ka vijuar lundrimin edhe për 12 milje të tjera dhe aktualisht sapo ka mbërritur në basenin ujor të Portit të Durrësit.

Aruçi tha se veprimi i parë që do të kryhet është transportimi i dy peshkatarëve drejt spitalit rajonal më autoambulancat portuale, dhe ato të qytetit, ndërsa më pas do të vijojë zbarkimi i turistëve francezë, italianë dhe rumunë, të ardhur me kroçerën, e cila do të qendrojë në portin më të madh të vendit deri në orën 20.00 të mbrëmjes së sotme.

HermesNews - ©2013

Dërgo me email | Stampo artikullin