29/03/2013 16:03:52

Irak, 17 viktima nga sulmet

Sulmet ndodhën brenda një ore në Bagdad dhe në Kirkuk

BAGDAD - Të paktën 17 persona kanë humbur jetën sot dhe më tepër se 100 të tjerë janë plagosur nga një seri atentatesh me autobombë, që kishin synim disa xhami shiite në Bagdad dhe Kirkuk, në veri të Irakut, bënë të ditur burime zyrtare vendase. "Sulmet ndodhën brenda një ore në Bagdad dhe në Kirkuk", theksuan burimet zyrtare vendase. "Në Bagdad, sulmet ndodhën në lagjet Jihad, Qahira, dhe Zafraniyah Binouk", shtuan burimet zyrtare irakiane. Sipas burimeve, në Qahira, në verilindje të Bagdadit, të paktën tre persona humbën jetën. "Në Kirkuk, një sulm tjetër shkaktoi tre të vdekur dhe 70 të plagosur", deklaroi Sadiq Omar Rassoul, zyrtar i lartë vendas.

HermesNews - ©2013

Dërgo me email | Stampo artikullin