29/03/2013 08:07:10

Miratohet hidrocentrali mbi Devoll

Kryeministri Sali Berisha tha se, kjo kontratë ka rëndësi të jashtëzakonshme, pasi në këtë vepër do të punësohen gjatë ndërtimit të saj, 4-5 mijë punëtorë

TIRANË - Kuvendi miratoi me 119 vota pro një ndyshim në kontratën e Koncesionit ndërmjet Ministrisë së Ekonomisë, si Autoritet Kontraktues dhe ENV AG, STATKRAFT AS dhe DEVOLL HYDROPOWER SH.A., si bashkëkoncesionarë, për projektimin, financimin, ndërtimin, marrjen në pronësi, shfrytëzimin, mirëmbajtjen dhe transferimin e projektit të hidrocentralit në lumin Devoll. Kryeministri Sali Berisha tha se "kjo kontratë, së pari, ka një rëndësi të jashtëzakonshme, pasi në këtë vepër do të punësohen gjatë ndërtimit të saj, 4-5 mijë punëtorë, inxhinierë, teknikë të qarkut të Elbasanit dhe mbarë Shqipërisë. Së dyti, ka rëndësi të jashtëzakonshme sepse përbën një investim tjetër gjigand, madhor në historinë e vendit, përbën kurorëzimin dhe suksesin më të madh të përpjekjeve të kësaj maxhorance për ta bërë Shqipërinë vendin më tërheqës për investimet e huaja", tha Berisha.

HermesNews - ©2013

Dërgo me email | Stampo artikullin