28/03/2013 11:38:09

Arrestimi i Bashkim Tahirit kthehet në 'top' për fushatë

Gjykata lëshon detyrim për paraqitje për Bashkim Tahirin

(16:33) Babai i deputetit socialist Bashkim Tahiri, i cili u vu në pranga për mosdeklarimin e mallit të tij, mori sot "detyrim paraqitje" nga Gjykata. Gjykata vendosi dhe masën "arrest shtëpie" për Dritan Gjizën.

Prokurori Dritan Rreshka ka kërkuar lirimin nga akuzat për Bashkim Tahirin, dhe detyrim për paraqitje për Nadire Tagën.

Avokati Plarent Nedreca, kërkoi rrëzimin e deklaratave të Dritan Gjizës dhe Nadire Tahirit për shkak se "janë marrë pa dijeninë e Prokurorit".

Deputeti socialist Tahiri, e përdori këtë rast për fushatën e socialistëve më 23 Qershor duke thënë se qeveria e re socialiste do të hapë kapitull të ri për të sfiduar kalbjen e qeverisjes së sotme dhe kërcënoi K/ministrin se do të jepte llogari për djalin tij Shkëlzenin dhe baxhanakun që bëri sikur nuk e njihte dhe fabrikën e vdekjes në Gërdec.

TIRANE - Babai i deputetit socialist Bashkim Tahiri, i cili u vu në pranga për mosdeklarimin e mallit të tij, pra barnave të sekuestruara, pritet të lirohet sot.
Gjykata e Tiranes pranoi kërkesën e Prokurorise për 62 vjeçarin Bashkim Tahiri, i akuzuar fillimisht për kontrabandë ilaçesh. Policia ka plotësuar dy procesverbale të ndryshme në lidhje me të dhënat në vendin e ngjarjes, ku në njërin shkruhet se barnat në momentin e arrestimit iu gjetën Bashkim Tahirit, ndërsa në një tjetër procesverbal se materialet u janë sekuestruar shtetasit Bashkim Tahiri dhe shtetases Nadire Taga. Mbi këto dokumente policia dhe Task-forca e Prokurorisë e konsideruan të ligjshëm arrestimin në kushtet e flagrancës të babait të Saimir Tahirit nën akuzën e kontrabandës së medikamenteve, ku u tha se vlera e tyre shkonte deri në 10 mijë euro.

HermesNews - ©2013

Dërgo me email | Stampo artikullin