28/03/2013 10:19:23

Vaclav Klaus nuk do të gjykohet për tradhëti

Paditësit kanë depozituar në Gjykatë një akuzë për një amnisti të diskutueshme dekretuar nga Klaus në fillim të muajit janar, gjykuar shumë e lehtë, veçanërisht kundër personave të akuzuar për korrupsion

PRAGË - Gjykata Kushtetuese çeke njoftoi sot se kishte ndërprerë shqyrtimin e ankesës për tradhti të lartë depozituar më 4 Mars nga një grup senatorësht të të majtës kundër ish-presidentit, Vaclav Klaus.

Paditësit kanë depozituar në Gjykatë një akuzë për një amnisti të diskutueshme dekretuar nga Klaus në fillim të muajit janar, gjykuar shumë e lehtë, veçanërisht kundër personave të akuzuar për korrupsion.

Gjykuar si shumë i butë nga kritikët e tij, veçanërisht kundër personave të akuzuar për korrupsion, amnistia e dekretuar nga Klaus më 1 janar shkaktoi një valë të gjerë pakënaqësish në mbarë vendin. "Është skandaloze që amnistia të mundësojë lirimin e aktorëve në çështje të rëndësishme të shpërdorimit të fondeve dhe evazioneve fiskale'', konfirmoi shefi i partisë socialdemokrate CSSD, Bohuslav Sobotka.

Rreth 6 500 persona kanë lënë tashmë muret e burgjeve në kuadër të amnistisë presidenciale."Fatkeqësisht, një vizion politik i gjërave është shfaqur në kurriz të një vizioni shumë profesional'', shprehu me keqardhje, zëvendëspresidenti i dhomës së deputetëve, Jiri Pospisil, i partisë së djathtë ODS.

Tradhtia e lartë është përcaktuar nga Kushtetuta çeke si një veprim i presidentit kundër sovranitetit dhe integritetit të Republikës apo urdhërit të saj demokratik. "Gjykata Kushtetuese (...) ndërpreu procedurën për shqyrtimin e ankesës'', thuhet në një njoftim të Gykatës Kushtetuese, selia e së cilës ndodhet në Brno.

HermesNews - ©2013

Dërgo me email | Stampo artikullin