28/03/2013 09:37:52

SHBA, trajnon bombarduesit bërthamore në Korenë e Jugut

Dy bombarduesit B-2 Spirit të nisur nga baza Whiteman e Misurit kanë lëshuar municione artificiale në një objektiv në territorin koreanojugor

SEUL - Dy bombardues bërthamorë amerikanë B-2 kryen sot një mision trajnimi mbi Korenë e Jugut, në kuadër të tensioneve me regjimin korenoverior, njoftoi ushtria amerikane. ''Dy bombarduesit B-2 Spirit të nisur nga baza Whiteman e Misurit kanë lëshuar municione artificiale në një objektiv në territorin koreanojugor'', sipas një komunikate të forcave amerikane të vendosura në Korenë e Jugut.

''Ky fluturim, që u zhvillua në kuadër të manovrave të vazhdueshme të përbashkëta organizuar çdo vit mes forcave amerikane dhe koreanojugore, demostron kapacitetin e SHBA-së për të realizuar pa vonesa dhe kufizime goditjet në distancë të largët'', vijon komunikata.

Njoftimi pritet të shkaktojë reagime të ashpra nga ana e Phenianit që ka kërcënuar tashmë Uashingtonin se do të godasë territorin amerikan apo ishujt Guam dhe Havai, si kundërpërgjigje ndaj fluturimeve trajnuese të B-52 mbi Korenë e Jugut.

HermesNews - ©2013

Dërgo me email | Stampo artikullin