27/03/2013 10:14:07

Shitet unaza e fejesës së Josephine de Beauharnais

Më 24 shkurt të vitit 1796, Bonaparti u fejua me Josephine, me të cilën u martua më 9 mars të po atij viti

PARIS - Unaza e fejesës ofruar Josephine de Beauharnais nga Napoleon Bonaparti në vitin 1796 u shit në ankand me një vlerë prej 896 400 euro, bënë të ditur burime zyrtare vendase. Me një diametër prej 18 milimetrash, unaza prej ari me gurë të çmuar ishte vlerësuar fillimisht me një vlerë prej rreth 12 000 eurosh. Më 24 shkurt të vitit 1796, Bonaparti u fejua me Josephine, me të cilën u martua më 9 mars të po atij viti. Unaza ishte pjesë e koleksionit të princit Victor Napoleon (1862-1926). Një pjesë tjetër e rëndësishme e shitjes, ishte një portret i Duka Reichstadt. Vepra u shit për 435 600 euro ose rreth dyfishin e vlerësimit

HermesNews - ©2013

Dërgo me email | Stampo artikullin