26/03/2013 15:27:15

Qipro në pritje të reçesionit

Eurogrupi ka marrë një vendim të dhimbshëm dhe me një peshë shumë të rëndë

(15:38) Qindra mijëra studentë të liceve në Qipro kanë bojkotuar sot orët e mësimit dhe janë mbledhur nëpër sheshet e Nikozisë për të protestuar kundër masave të rënda ekonomike të vendosura për ishullin nga autoritetet financiare evropiane në përpjekje për të rimëkëmbur ekonominë e Qipros, e përfshirë ashpër nga një krizë e sistemit bankar.

Në përgjigjie të një apeli të bërë përmes rrjetit social ''Facebook'' nga shumë organizata studentore, studentët janë grumbulluar në disa sheshe kryesore të kryeqytetit për t'u bashkuar të gjithë në qendër të Nikozias përpara ndërtesës së Parlamentit.

Studentët mbanin nëpër duar pankarta ku shkruhej "Trojka të largohet nga Qipro" dhe "Mos e prekni të ardhmen tonë" dhe brohorisnin të njëjtat slogane edhe në gjuhën angleze.

Pas protestës përpara parlamentit, të rinjtë kanë marshuar si kortezh drejt pallatit presidencial.


BERLIN - Ministri qipriot për punësimin, Harris Gjeorgjiadhes paralajmëron sot ndaj perspektivës së një recesioni të rëndë në ishull dhe ndaj shtimit të papunësisë, pas marrëveshjes së arritur në Bruksel. ''Ky akt una tantum për korrigjimin e sistemit bankar, sjell vështirësi për sektorin e prodhimit'', deklaroi ministri qipriot i punësimit gjatë një interviste për të përditshmen gjermane Bild. ''Presim të përballemi me një recesion të thellë dhe një shtim të dukshëm të nivelit të papunësisë. Eurogrupi ka marrë një vendim të dhimbshëm dhe me një peshë shumë të rëndë'', theksoi Gjeorgjiadhes.

HermesNews - ©2013

Dërgo me email | Stampo artikullin