25/03/2013 15:12:06

54 fëmijë më pak në rrugë

Shërbimi social ndërrmerr aksione për heqjen e fëmijëve nga rruga

TIRANË - Vetëm gjatë periudhës gusht 2012 Shkurt 2013 Shërbimi social shtetëror dhe policia e rendit në kryeqytet kanë hequr nga rruga 54 fëmijë që i përkisnin komunitetit rom dhe egjyptian. Specialistja e shërbimit social Ermelinda Spaho, tha se nga ky grup fëmijësh vetëm 25 prej tyre janë strehuar në institucionet e varësisë, si shtëpitë e fëmijës apo qendrat e shërbimit social. Aksionet e përbashkëta të policisë së rendit dhe Shërbimit social shtetëror nisën në muajin gusht të vitit të kaluar pas daljes së vendimit të qeverisë për largimin e fëmijëve nga rruga. Por mengjithë masat e marra, në rrugët e kryeqytetit sërish vëren fëmijë rom që lypin bashkë me familjen e tyre, ndërsa policia në shumë raste është indiferente ndaj këtij fenomeni.

HermesNews - ©2013

Dërgo me email | Stampo artikullin