25/03/2013 09:40:51

Maqedoni, rrezultatet e zgjedhjeve

Ahmeti shpalli fitoren në komunën e Tetovës, Dibrës, Çairit, Zhelinës, Bogovinës, Sarajit, Likovës, Pllasnicës si dhe në Kërçovë

(15:25) - Kryetari i Bashkimit Demokratik për Integrim, Ali Ahmeti shpalli fitoren në komunën e Tetovës, Dibrës, Çairit, Zhelinës, Bogovinës, Sarajit, Likovës, Pllasnicës si dhe në Kërçovë. "BDI-ja ka fitore të shkëlqyeshme në Tetovë, me dallim gati prej 4 000 votave, epërsi të lehtë në Gostivar, Haraçinë, Stuteniçan, Bërvenicë, Vrapçisht dhe në Dollnen", tha kryetari i BDI-së, Ali Ahmeti. Ai gjithashtu tha se BDI-ja në raundin e parë e ka humbur komunën e Strugës. "Kjo nuk do të thotë që ne të ngremë flamurin e bardhë, sepse struganët na kanë votuar për kandidatin tonë Arben Llabënishti", theksoi Ahmeti.

(15:21) Komisioni Shtetëror Zgjedhor maqedonas (KSHZ) gjatë ditës së sotme do të njoftojë rezultatet e para jozyrtare të zgjedhjeve lokale, menjëherë pasi të përpunohen të gjitha qendrat e votimit, paralajmëroi kryetari i KSHZ-së, Boris Kondarko në një konferencë për shtyp.

"Të dhënat në vazhdimësi publikohen dhe në vazhdimësi ndryshojnë. Duke e pasur parasysh faktin se bëhet fjalë për zgjedhje lokale dhe për shkak numrit të madh të komunave dhe vendvotimeve dhe numrit të madh të komisioneve zgjedhore të cilat i fusin të dhënat në sistemin e Komisionit Shtetëror Zgjedhor, në këtë moment nuk mund të dalim me rezultate paraprake", tha Kondarko.

''Deri në orën 24:00 kanë arritur rezultate për 1 275 nga gjithsej 2 976 vendvotimi ose 57,96 për qind. Në zgjedhjet për kryetarë komunash kanë votuar 473 859 votues nga gjithsej 1 743 403 votues të regjistruar në listën zgjedhore. Të vlefshme janë 458 934 fletëvotime ndërsa të pavlefshme janë 14 925. Pjesëmarrja është 67,61 për qind'', shtoi ai.

(15:10) Koalicioni i udhëhequr nga VMRO-DPMNE-ja në zgjedhjet e djeshme lokale në Maqedoni fitoi në 54 komuna, koalicioni i LSDM-së në shtatë, BDI-ja në 12, PDSH-ja, Partia Përparimtare Serbe në Maqedoni, Rilindja Demokratike Kombëtare, Partia Demokratike e Turqve dhe Lidhja e Romëve në një komunë, ndërsa në dy komuna fituan kandidatë të pavarur, sapo njoftoi Komisioni Shtetëror maqedonas i Zgjedhjeve. Rezultatet janë marrë nga të dhënat e përpunuara nga 97,48 për qind nga numri i përgjithshëm i vendvotimeve. Pjesëmarrja në votim ka qenë 67,06 për qind.

(09:45) Komisioni Shtetëror Zgjedhor maqedonas (KSHZ) gjatë ditës së sotme do të njoftojë rezultatet e para jozyrtare të zgjedhjeve lokale, menjëherë pasi të përpunohen të gjitha qendrat e votimit, paralajmëroi kryetari i KSHZ-së, Boris Kondarko në një konferencë për shtyp.

"Të dhënat në vazhdimësi publikohen dhe në vazhdimësi ndryshojnë. Duke e pasur parasysh faktin se bëhet fjalë për zgjedhje lokale dhe për shkak numrit të madh të komunave dhe vendvotimeve dhe numrit të madh të komisioneve zgjedhore të cilat i fusin të dhënat në sistemin e Komisionit Shtetëror Zgjedhor, në këtë moment nuk mund të dalim me rezultate paraprake", tha Kondarko.

''Deri në orën 24:00 kanë arritur rezultate për 1 275 nga gjithsej 2 976 vendvotimi ose 57,96 për qind. Në zgjedhjet për kryetarë komunash kanë votuar 473 859 votues nga gjithsej 1 743 403 votues të regjistruar në listën zgjedhore. Të vlefshme janë 458 934 fletëvotime ndërsa të pavlefshme janë 14 925. Pjesëmarrja është 67,61 për qind'', shtoi ai.


(09:40) Kryetari i PDSH-së, Menduh Thaçi deklaroi fitore në pesë komuna shqiptare, ndërsa ka pranuar, siç e ka quajtur ai, humbjen e lehtë prej 2-3 000 votash në Tetovë. Sipas të dhënave që ka paraqitur Thaçi, PDSH-ja është në epërsi në Strugë, Likovë, Studeniçan, Dolnen dhe Vrapçishtë.

Lidhur me rezultatin zgjedhor në Tetovë, Thaçi është shprehur optimist se ai do të përmbyset në raundin e dytë. ''Kemi humbur në Malësi të Sharrit. Ka pasur implikime të mëdha në formë të trysnisë, frikësimit me anë të policisë, korrupsionit... Pas kësaj analize që do ta bëjmë, raundi i dytë do të jetë raundi i fitores së PDSH-së'', theksoi Thaçi. Ai ka vlerësuar se PDSH-ja ka shënuar rritje prej 21 000 votash krahasuar me zgjedhjet e parakohshme të vitit 2011.


TETOVË - Kryetari i Bashkimit Demokratik për Integrim, Ali Ahmeti shpalli fitoren në komunën e Tetovës, Dibrës, Çairit, Zhelinës, Bogovinës, Sarajit, Likovës, Pllasnicës si dhe në Kërçovë. "BDI-ja ka fitore të shkëlqyeshme në Tetovë, me dallim gati prej 4 000 votave, epërsi të lehtë në Gostivar, Haraçinë, Stuteniçan, Bërvenicë, Vrapçisht dhe në Dollnen", tha kryetari i BDI-së, Ali Ahmeti. Ai gjithashtu tha se BDI-ja në raundin e parë e ka humbur komunën e Strugës. "Kjo nuk do të thotë që ne të ngremë flamurin e bardhë, sepse struganët na kanë votuar për kandidatin tonë Arben Llabënishti", theksoi Ahmeti.

HermesNews - ©2013

Dërgo me email | Stampo artikullin