22/03/2013 16:52:56

Sarkosy, akuza për abuzim financiar

Nga hetimet, gjyqtari kërkon të përcaktojë në qoftë se Nicolas Sarkozy ka abuzuar me fondet e siguruara nga gruaja më e pasur në Francë duke i kërkuar para për financimin e fushatës presidenciale të vitit 2007

BORDO - Ish-presidenti francez, Nicolas Sarkozy, 58 vjeç, është akuzuar për "abuzim" me financimet e siguruara nga miliarderja, Liliane Bettencourt. Deklarata e papritur e gjyqtarit, Jean-Michel Gentil ku e akuzon ish-presidentin, ka vënë përballë katër anëtarë të personelit të trashëgimtares së gjigantit botëror të kozmetikës L'Oreal. Vendimi u konfirmua nga Prokuroria e Bordosë. Nga hetimet, gjyqtari kërkon të përcaktojë në qoftë se Nicolas Sarkozy ka abuzuar me fondet e siguruara nga gruaja më e pasur në Francë duke i kërkuar para për financimin e fushatës presidenciale të vitit 2007. Kjo shkelje mund të marrë një dënim prej tre vjet burg, ose një gjobë prej 375 000 eurosh.

HermesNews - ©2013

Dërgo me email | Stampo artikullin