22/03/2013 16:40:22

Britani, mbyllen shkollat për shkak të motit të keq

Shkollat u mbyllën në Derbyshire dhe në Nottinghamshire, në qendër të vendit, si dhe në West Yorkshire, në veri të vendit

LONDËR - Qarkullimi kishte vështirësi dhe qindra shkolla u mbyllën sot në disa rajone të Britanisë së Madhe si pasojë e reshjeve të dendura të dëborës. Shkollat u mbyllën në Derbyshire dhe në Nottinghamshire, në qendër të vendit, si dhe në West Yorkshire, në veri të vendit. Reshjet e dendura të dëborës, që filluan gjatë natës pritet të vazhdojnë edhe gjatë ditës. Për shkak të reshjeve të dëborës aeroporti ndërkombëtar Leeds Bradford anuloi të gjitha fluturimet. Shkollat u mbyllën gjithashtu në Irlandën e Veriut, ku mbi 40 000 familje kishin vështirësi me energjinë elektrike për shkak të erërave të forta dhe reshjeve të dendura të dëborës. Rajonet në jugperëndim të Anglisë u përfshinë nga përmbytjet e shkaktuara nga reshjet e dendura të shirave.

HermesNews - ©2013

Dërgo me email | Stampo artikullin