22/03/2013 16:20:16

Itali, pritet mandatimi i Qeverise

Pas 48 orë konsultimesh me të gjithë liderët e partive, Napolitano deklaroi se ai do të merrte sot një vendim se cilin nga personalitetet do të përzgjidhte për t'i dhënë mandatin për formimin e një qeverie të re

ROMË - Presidenti italian, Xhorxho Napolitano pritet të mandatojë liderin e së majtës Pier Luigi Bersani për formimin e një qeverie të re, bëri të ditur sot shtypi vendas. Pas 48 orë konsultimesh me të gjithë liderët e partive, Napolitano deklaroi se ai do të merrte sot një vendim se cilin nga personalitetet do të përzgjidhte për t'i dhënë mandatin për formimin e një qeverie të re. Sipas mediave italiane, ai do t'i japë mundësinë Bersanit, kreut të forcës së parë politike në vend. Partia Demokrate (PD, e majtë) ka marrë shumicën absolute në Dhomën e Përfaqësuesve, por jo në Senat. Pas bisedimeve me Napolitanon, kreu i PD-së, Pier Luigi Bersani deklaroi se "do t'i shërbente vendit për ndërmarrjen e hapave të mëtejshëm për ndryshim" duke shtuar se koalicioni i tij "përbënte forcën e parë politike në vend".

HermesNews - ©2013

Dërgo me email | Stampo artikullin