22/03/2013 16:04:13

Aksident i shumëfishtë në Kanada

Bllokohen makinat në autostradë

MONTREAL - Rreth 100 persona duke përfshirë edhe një tjetër në gjendje të rëndë shëndetsore, u plagosën sot në Alberta, në perëndim të vendit, pas një aksidenti të shumëfishtë në autostradën 2 pranë Edmonton, bënë të ditur burime zyrtare vendase. Rrjetet televizive transmetuan pamjet e automjeteve të bllokuara në autostradë. Aksidenti, që ndodhi ndërsa rajoni ishte i goditur nga reshje të dendura dëbore, ka përfshirë rreth 100 automjete në total si dhe një autobus dhe disa kamionë. Autostrada Edmonton-Calgary u bllokua për rreth dy orë nga të dyja anët. Burimet njoftuan fillimisht për 300 të plagosur, por shërbimet shëndetësore e reduktuan shifrën duke e çuar atë në 100 persona. Rreth 22 persona duke përfshirë edhe atë në gjendje të rëndë shëndetësore janë shtruar në spital.

HermesNews - ©2013

Dërgo me email | Stampo artikullin