22/03/2013 07:19:25

Gjermani, përplasen helikopterët

Vdes piloti i një prej helikopterëve. Të tjerët u plagosën rëndë

BERLIN - Një person humbi jetën sot dhe katër të tjerë u plagosën rëndë nga përplasja e dy helikopterëve të policisë në Berlin, bënë të ditur burime zyrtare vendase. "Personi, që vdiq, ishte piloti i një prej helikopterëve. Të tjerët u plagosën rëndë", theksuan burimet zyrtare gjermane. Nuk ka hollësi të mëtejshme mbi shkaqet e aksidentit, por mund të kenë qenë reshjet e dendura të dëborës. "Ngjarja ndodhi gjatë një stërvitjeje", shtuan burimet zyrtare vendase. Rreth 400 policë ishin të pranishëm në këtë stërvitje.

HermesNews - ©2013

Dërgo me email | Stampo artikullin