22/03/2013 07:11:04

Statusi i universiteteve 'kusht' për financim

Ministria e Arsimit ka bërë publike draft-strategjinë e arsimit të lartë në vend, ku një nga pikat më të rëndësishme të saj është mënyra e financimit, ku fondet do të shkojnë drejtpërdrejt tek studenti

TIRANË - Kryetari i konferencës së rektorëve dhe Rektori i Universitetit të tiranës Dhori Kule, në lidhje me financimin e universiteteve, gjykon se fondet e shtetit mund të përdoren nga universitetet private vetëm kur ato të ndryshojnë statusin e tyre, duke u kthyer në institucione jofitimprurëse.

Ky kusht i reformave te financimit, e parashikuar në draft-strategjinë e arsimit të lartë, të gjejë zbatim. "Ku një insitucion merr statusin jofitimprurës dhe statusin e të qënurit universitet sipas ligjit nuk ka asnjë lloj problemi. Pra, kjo është një parakusht i rëndësishëm. Statusi jo fitimprurës, që e kanë në Amerikë, nuk është shqetësim por është progres", argumentoi Kule.

Ministria e Arsimit publikoi draft-strategjinë e arsimit të lartë në vend, ku një nga pikat më të rëndësishme të saj është mënyra e financimit, ku fondet do të shkojnë drejtpërdrejt tek studenti. Fundit mund të zgjedhë më pas ku dëshiron të studiojë në universitet publik apo privat.

HermesNews - ©2013

Dërgo me email | Stampo artikullin