21/03/2013 16:46:42

Sindroma Down, mesazhet për ditën

Për Ditën Botërore është zgjedhur data 21/3 si dita e kësaj sindrome në mënyrë simbolike për të personifikuar ndryshimin gjenetik të trefishimit të kromozomit 21

TIRANË - Në Ditën Botërore të Sindromës Down janë përcjellë mesazhe sensibilizuese për përkrahje, promovimin e aftësive dhe potencialeve të kësaj kategorie të shoqërisë. Përmes aktiviteteve dhe mesazheve sensibilizuese, synohet informimi i popullatës rreth këtij Sindromi, por edhe për nevojën e përforcimit të përkrahjes nga institucionet.

Për Ditën Botërore është zgjedhur data 21/3 si dita e kësaj sindrome në mënyrë simbolike për të personifikuar ndryshimin gjenetik të trefishimit të kromozomit 21, mutacion ky që shkakton Sindromën Down ose siç quhet në gjuhën shkencore Trisomy 21.

Çfarë është Sindroma Down ? Sot në botë, Sindroma Down rezulton të ndodhë në 1 në 691 lindje të gjalla. Është sindromi kromozomik më i hasur, ndërkohë që nuk lidhet me racën, kombësinë, fenë apo statusin socioekonomik.

Sindroma Down nuk shkaktohet nga ndonjë veprim i bërë nga femra gjatë shtatzanisë. Ende sot nuk dihen shkaqet që shkaktojnë këtë sindromë dhe nuk ekziston një kurë për shërimin e tij. Fakti më i rëndësishëm që duhet ditur rreth individëve me Sindromën Down është se ata janë më shumë të ngjashëm me ne, se të ndryshëm prej nesh. “Ne rast të një trajtimi te kujdesshëm shëndetësor të sëmundjeve që shoqerojnë këtë sindromë si dhe të një trajtimi terapeutik, individi që ka këtë sindromë mund të arrijë të gëzojë një jetë të gjatë, të pavarur dhe të shëndetëshme dhe t’i shërbejë komunitetit si çdo individ tjetër i shoqërisë”, pohojnë specialistët.

Dita Ndërkombëtare e Sindromës Down/

Dita Ndërkombëtare e Sindromës Down u themelua në vitin 2006 nga Shoqata Kombëtare e Sindromës Down në Amerikë dhe është ndjekur nga 69 shtete deri më sot. Kjo ditë festohet çdo vit me datë 21 Mars për të simbolizuar triplifikimin unik te kromozomit 21 e cila shkakton kete gjendje gjenetike.

Synimi i ditës është të rrisë ndërgjegjësimin dhe informimin për këtë sindromë, si dhe të promovojë të drejtat e trashëguara të personave të prekur nga sindroma për të jetuar një jetë me dinjitet dhe për të qenë aktivë dhe pjesëmarrës që japin vlera në komunitetin dhe shoqerinë ku jetojnë.

Një rezolutë për të përcaktuar 21 marsin si Dita Ndërkombvtare e Sindromes Down, dhe për t’u vëzhguar çdo vit duke filluar nga viti 2012, është adaptuar me konsensus nga Asambleja e Përgjithëshme e Kombeve të Bashkuara në Dhjetor 2011. Rezoluta u propozua dhe u promovua nga Brazili dhe u bashkësponsorizua nga 78 shtete të Kombeve të Bashkuara.

Duke filluar nga viti 2012 e në vazhdim kjo ditë festohet në 192 shtete të KB. Në vendin tonë, kjo ditë festohet për herë të dytë, ndërkohë që u festua për hërë të parë vitin e kaluar (2012) nga Qendra Xhonatan dhe Komuniteti i Sindromës Down Shqipëri.

HermesNews - ©2013

Dërgo me email | Stampo artikullin