20/03/2013 15:41:07

Lufthansa anulon 500 fluturime. Shkaku, greva

Aeroportet në Frankfurt, në perëndim të vendit dhe në Mynih në jug të vendit, pritet të përfshihen nga kjo grevë e organizuar nga sindikata Verdi

FRANKFURT - Kompania ajrore gjermane Lufthansa njoftoi sot se kishte anuluar rreth 500 fluturime të planifikuara nesër në Evropë për shkak të një greve të personelit. "Aeroportet në Frankfurt, në perëndim të vendit dhe në Mynih në jug të vendit, pritet të përfshihen nga kjo grevë e organizuar nga sindikata 'Verdi' si dhe ato në Berlin, Hamburg, Dusseldorf dhe Këln", theksoi kompania në faqen e saj të internetit. "Lufthansa ka anuluar pothuajse të gjitha fluturimet në Gjermani dhe në Europë rreth orës 04:00 GMT dhe 11:00 GMT në aeroportet e përfshira nga greva", shtoi kompania në faqen e saj të internetit. Disa fluturime të planifikuara për pasdite u anuluan gjithashtu. Sipas një zëdhënësi të sindikatës "Verdi", greva do të zgjasë rreth pesë orë.

HermesNews - ©2013

Dërgo me email | Stampo artikullin