19/03/2013 11:36:18

Qipro, bursa pezullohet deri të enjten

Presidenti nuk do të mund të arrijë mbështetjen e nevojshme parlamentare për të mundësuar miratimin e taksës detyruese për depozitat bankare në Qipro

(18:01) Situata e rëndë ekonomike e krijuar në Qipro do të jetë në qendër të një takimi që pritet të zhvillohet gjatë mbrëmjes së sotme në Athinë mes kryeministrit grek, Adonis Samaras dhe aleatëve të koalicionit të tij qeveritar, liderit të PASOK-ut, socialistit Evangjelos Venizelos dhe Fotis Kuvelis i së Majtës Demokrate, Dimar, njoftuan burimet mediatike greke.

Përsa i takon situatës në Nikosia, kryeministri grek shprehu solidaritetin e Greqisë ndaj Qipros dhe popullit qipriot, ndërsa PASOK-u dhe e Majta Demokrate kanë shprehur kundërshtimiet e tyre lidhur me taksën e detyrueshme për depozitat bankare.

Venizelos foli për masa ndëshkuese dhe me tendencë të ashpër nga ana e Bashkimit Europian, ndërsa Kuvelis, bëri thirrje dhe rekomandoi të shmanget shembulli i Greqisë lidhur me shkurtimet e pagave dhe pensioneve.


(18:00) Kancelarja gjermane, Angela Merkel i ka deklaruar sot presidentit qipriot, Nikos Anastasiadhis, që negociatat mbi planin e shpëtimit do të zhvillohen vetëm me Trojkën, bënë të ditur burime zyrtare vendase. "Një bisedë telefonike mes Merkel dhe presidentit qipriot është zhvilluar mbrëmjen e djeshme", theksuan burimet zyrtare vendase. "Gjatë kësaj bisede telefonike, Merkel deklaroi se negociatat mbi planin e shpëtimit duhet të zhvillohej me Trojkën BE-BQE-FMN", shtuan burimet zyrtare vendase. Burimet zyrtare vendase nuk dhanë hollësi të mëtejshme mbi këtë bisedë telefonike.

(17:57) Presidenti qipriot, Nicos Anastasiades do të takohet sot me kancelaren gjermane, Angela Merkel për planin e shpëtimit të negociuar me Bashkimin Europian, deklaroi zëdhënësi i qeverisë qipriote. "Natën e kaluar, presidenti ka pasur një bisedë telefonike me (...) Merkel, i cili ka informuar situatën në Qipro. Presidenti ka informuar kancelaren për mundësinë që parashikon reduktimin e nevojave për marjen e fondeve qipriote'', konfirmoi Christos Stylianides.''Ai do të zhvillojë një bisedë tjetër me Merkelin dhe të vazhdojë kontaktet me drejtuesit'', shtoi ai.

(17:45) Bursa qipriote njoftoi sot se kishte ndërprerë përkohësisht aktivitetin e saj për të paktën deri të enjten. ''Kjo masa u mor për të ndërprerë rënien e saj, që do të thotë mbrojtje e investitorëve'', thanë burime nga bursa e ishullit të ndarë.

(17:00) Presidenti qipriot, Nicos Anastadhiades nuk ka numrat e nevojshëm në parlament për marrjen e miratimit lidhur me çështjen e një takse të detyruar në depozitat bankare, të propozuar nga Bashkimi Europian, në këmbim të një plan shpëtimi ekonomik për ishullin mesdhetar, sipas deklaratës së një zëdhënësi të qeverisë qipriote. ''Presidenti nuk do të mund të arrijë mbështetjen e nevojshme parlamentare për të mundësuar miratimin e taksës detyruese për depozitat bankare në Qipro'', deklaroi zëdhënësi i qeverisë qipriote.

PARIS - Ministri francez i Financave deklaroi sot se rasti i Qipros është i veçantë dhe nuk ka rrezik për përhapje të fenomenit.

''Rasti i Qipros përbën një femomen të izoluar, rrjedhimisht nuk ka rrezik për përhapje të tij'', deklaroi ministri francez i Ekonomisë, Pierre Moscovici. Po ashtu ai theksoi se karakteristikat e vendit janë një rast i veçantë në panoramën europiane.

HermesNews - ©2013

Dërgo me email | Stampo artikullin