19/03/2013 11:13:33

Viktima nga moti i keq në Brazil

Autoritetet i kanë bërë thirrje banorëve që të largohen nga zonat e rrezikshme

RIO DE ZHANEIRO - Të paktën 16 persona kanë humbur jetën 24 orët e fundit për shkak të motit të keq në rajonin turistik të Petropolis, një zonë malore në Rio de Zhaneiro, Brazil, bënë të ditur burime zyrtare vendase. Guvernatori, Sergio Cabral i ka bërë thirrje banorëve që të largohen nga zonat e rrezikshme. "Presidentja e Brazilit, Dilma Rousseff zhvilloi një bisedë telefonike me guvernatorin, nga Roma, ku ndodhet për ceremoninë e inaugurimit të Papës", bënë të ditur burime zyrtare vendase. Në Janar të vitit 2011, më tepër se 900 persona kanë humbur jetën në rajonet e Rio de Zhaneiro për shkak të motit të keq, që kanë shkaktuar përmbytje dhe rrëshqitje të dherave.

HermesNews - ©2013

Dërgo me email | Stampo artikullin