19/03/2013 09:32:24

Irak, rritet numri i viktimave

Seri atentatesh në disa lagje të Bagdatit

(16:49) Shpërthimet e koordinuara që kanë ndodhur sot në disa lagje shiite të Bagadid që kishin si shënjestër shumë grupe personash civilë që shkonin në punë dhe në tregje përreth kryeqytetit shiit në Sadr City, Husseiniya, Bagdadi i ri, Zaafaraniya.

Atentati më i rëndë ndodhi në qytezën Ahula, një lagje e varfër shiite në veriperëndim të anglomeratit urban, ku mbetën të vdekur 20 persona.

Në provincën Babiloni, në jug të Bagdadit, dy autobomba shpërthyen duke vrarë 16 persona dhe plagosur 31 të tjerë, të gjithë civilë. Njëra shpërtheu afër një tregu popullor në fshatin Asriya, duke shkaktuar vdekjen e 13 personave dhe plagosjen e 27 të tjerëve.

Ndërsa tjetra, e drejtuar nga një person, shpërtheu pranë komandës së një batalioni të policisë federale, duke shkaktuar vrasjen e tre agjentëve dhe plagosjen e 4 të tjerëve.


BAGDAD - Një seri atentatesh me autobombë dhe vrasjesh në Bagdad shkaktuan sot në mëngjes të paktën 23 të vdekur, bënë të ditur burime zyrtare vendase. "Këto sulme, kryesisht të kryera me autobomba, shkaktuan gjithashtu të paktën 88 të plagosur", theksuan burimet zyrtare vendase. "Sulmet goditën lagjet në verilindje të Bagdadit, ku dominon komuniteti shiit", shtuan burimet zyrtare irakiane. Një bilanc i mëparshëm njoftonte për 13 të vdekur dhe 65 të plagosur. Që nga fillimi i muajit mars, rreth 157 persona kanë humbur jetën nga aktet e dhunës.

HermesNews - ©2013

Dërgo me email | Stampo artikullin