18/03/2013 12:11:40

Adrian Prrenjasi çohet ne shtepi

I shoqëruar nga forca të shumta të policisë, 45-vjeçar ka shkuar në banesën ku jetonte me qera dhe në prani të hetuesve ka rindërtuar skemën e vrasjes së vogëlushit

TIRANE- Policia e Tiranës vijon hetimet për zbardhjen e plotë të ngjarjes, lidhur me vrasjen e 11-vjeçarit, Julian Çelaj.

Mëngjesin e sotëm uniformat blu të kryeqytetit mësohet të kenë dërguar në banesën e tij të dyshuarin kryesor për këtë ngjarje, Ardian Prrenjasin për të rindërtuar skenën e krimit.

I shoqëruar nga forca të shumta të policisë, 45-vjeçar ka shkuar në banesën ku jetonte me qera dhe në prani të hetuesve ka rindërtuar skemën e vrasjes së vogëlushit. Gjithashtu burime të policisë së kryeqytetit kanë deklaruar se pritet të rifillojnë kërkimet edhe në sharrë për gjetjen e trupit të vogëlushit, të cilin Prrenjasi deklaroi ta kishte hedhur në plehra.

Drejtori i Policisë së Tiranës, Bernard Çaushaj, gjatë një konference për shtyp mbrëmjen e djeshme u shpreh se “në bashkëpunim me sektorin e Statistikës dhe Informacionit Kriminal në Drejtorinë e Policisë së Qarkut Tiranë, u arrit të siguroheshin informacionet e para për shtetasin me tendenca kriminale të abuzimit me të miturit.

Nga këto informacione rezultoi se shtetasi Ardian Përrenjasi, 45 vjeç, lindur në Përrenjas dhe banues në Laprakë, kishte të dhëna dhe më parë për abuzime seksuale me të mitur. Në vlerësim të këtij informacioni, në banesën e tij u gjet i fshehur fëmija 10 vjeçar dhe shtetasi Ardian Përrenjasi. Në cilësinë e provës materiale iu gjetën një litar dhe një thikë që janë përdorur për t'i bërë presion të miturit”.

Drejtori i Policisë së Tiranës informoi gjithashtu se "falë një pune intensive dhe të mirëorganizuar, në një kohë rekord, policia grumbulloi provat e mjaftueshme dhe të pakontestueshme se shtetasi Ardian Përrenjasi është autor i dyshuar i vrasjes dhe fshehjes së trupit të të miturit Julian Çela, 11 vjeç, i cili rezulton i zhdukur prej 30 nëntorit 2012”.

Çaushaj bëri të ditur se policia do të vazhdojë punën për zbardhjen e plotë të veprimtarisë kriminale të këtij shtetasi dhe gjetjen e trupit të të miturit 11 vjeçar Julian Çela.

Ndërsa mësohet se Prrenjasi pasi është shoqërua në komisariatin e policisë ka rrëfyer autorësinë e krimit, duke dhënë edhe detaje për ngjarjen.

Gjithçka është zbuluar pasi ai një ditë më parë kishte tentuar të abuzonte me një tjetër të mitur, por kësaj rradhe falë ndërhyrjes së shpejtë të Policisë së Tiranës krimi është evituar. Vogëlushi Çelaj rezultonte i humbur, që prej nëntorit të 2012-ës, por vetëm dje forca policisë së kryeqyteti falë një ndërhyrje të shpejtë zbuluan autorin e krimit

HermesNews-©2012

Dërgo me email | Stampo artikullin