16/03/2013 12:16:13

Çmimet e ushqimeve të qëndrueshme

Me ngrohjen e temperaturave pritet të rritet prodhimi vendas bujqësor në tregjet e vendit

TIRANE - Çmimet e produkteve ushqimore në tregjet e shitjes me shumicë të vendit, ishin të qëndrueshme këtë fundjavë, teksa rritja e çmimit për fruta-perimet e importit u kompensua nga rënia e kostos së prodhimeve bujqësore sezonale vendase, bëri të ditur Këshilli i Agrobiznesit Shqiptar (KASH). Indeksi i 25 artikujve ushqimorë, që liston KASH shënoi të njëjtat çmime sa javën e kaluar, duke pasur një ndryshim të vogël me 0.5- 0.8 lekë në fillim të muajit mars. Burime nga KASH, bëjnë të ditur se me ngrohjen e temperaturave pritet të rritet prodhimi vendas bujqësor në tregjet e vendit, duke diktuar kështu dhe ulejn e çmimit të shitjes së tyre. Pranvera është sezoni që dominon prodhimin vendas bujqësor, kundrejt importeve duke favorizuar dhe ulje të çmimit të shitjes së tyre.

HermesNews - ©2013

Dërgo me email | Stampo artikullin