16/03/2013 11:38:44

Shkup, zbulohet laboratori për falsifikimin e parave

Pesë shtetas në pranga

SHKUP - Policia maqedonase zbuloi një grup personash në Shkup të cilët kishin ngritur një minilaborator të pajisur me aparatura për skanim, përpunim kompjuterik dhe përgatitje të parave false, që në fillim të këtij viti kanë përgatitur sasi të mëdha parash të falsifikuara, sidomos kartëmonedha me prerje 500 euro. Policia maqedonase njoftoi se pajisjet ishin sekuestruar dhe se i kishte kërkuar prokurorisë arrestimin e N.S. (28 vjeç), M.M. (24 vjeç) dhe I.A. (39 vjeç) nga Shkupi, D.T. (28 vjeç) nga Kumanova dhe G.S. (28 vjeç) nga Kriva Pallanka për shkak të dyshimit se kanë kryer veprën penale "falsifikim parash".

HermesNews - ©2013

Dërgo me email | Stampo artikullin