15/03/2013 16:26:55

Ruli në Shkodër, situata nën kontroll

Ministri i Bujqësisë Genc Ruli, takon skuadrën e emergjencave në Shkodër

TIRANE - Situata e pazakontë e reshjeve të dëndura të shiut, në ditën e verës, që vazhdon të bjerë edhe gjatë të premtes, ka shkaktuar përmbytjen e tokave, të cilat sot llogariten në mbi rreth 4 mijë ha sipërfaqe në të gjithë vendin. Ministri i Bujqësisë, Ushqimit dhe Mbrojtjes së Konsumatorit, Genc Ruli, ka zhvilluar sot një takim me Shtabin e Emergjencave në Shkodër, rrethi me situatën më të rënduar të përmbytjeve, prej nga po drejton në terren grupet e punës për të marrë masa emergjente për të mbajtur nën kontroll zhvillimet e pritëshme. Ruli, tha se "zonat më të goditura këtë herë nga reshjet e dëndura të shiut janë ato të Shkodrës dhe Vlorës". Sipas tij, përveç përmbytjes së tokave nga uji, problem mbetet edhe erozioni i shkaktuar nga lumenjtë, shëmbja e masive të dheut etj. Në këto kushte, bëri thirrje ministri Ruli, kërkohet angazhim më i madh i komunave dhe bordeve të kullimit.

HermesNews - ©2013

Dërgo me email | Stampo artikullin