15/03/2013 11:09:57

500 milion Lekë nga privatizimet do të financojë defiçitin

Qeveria vendosi një ditë më parë përdorimin e një pjesë të të ardhurave nga privatizimi i 4 HEC-eve për shpenzime kapitale dhe për borxhin publik

TIRANE - Të ardhurat nga privatizimet në buxhetin e shtetit për vitin 2013 llogariten 500 milionë lekë. Qeveria vendosi një ditë më parë përdorimin e një pjesë të të ardhurave nga privatizimi i 4 HEC-eve për shpenzime kapitale dhe për borxhin publik. Të ardhurat nga privatizimi janë të ardhurat që sigurohen nga shitja e një aseti publik. Sipas klasifikimit të Divizionit të Statistikave të Kombeve të Bashkuara, që është njëkohësisht edhe sistemi i përdorur në vendin tonë, këto të ardhura nuk përfshihen në grupin e të Ardhurave Totale, por klasifikohen si pjesë e financimit të defiçitit. Parashikimi i një niveli të tillë të të ardhurave nga privatizimet flet për një "maturim" në procesin e hartimit të buxhetit, duke u përpjekur që shpenzimet e parashikuara në buxhet si dhe treguesit e borxhit të jenë brenda nivelit të të ardhurave të siguruara nga një rrjedhë normale e funksionimit të financave publike.

HermesNews - ©2013

Dërgo me email | Stampo artikullin