14/03/2013 17:39:39

Greqi, Turqia tenton privatizimet e aeroporteve

Kompania Turkish Airlines para pak kohësh tha se ka interes jo vetëm për aeroportet greke, të ofruara për privatizim, por edhe se ka për qëllim që aeroplanët e saj të fluturojnë deri në ishullin e Kretës

ATHINË - Radha e kompanive që po tregojnë interes për privatizimin e aeroportit ndërkombëtar të Athinës, "Eleftherios Venizelos", por edhe për aeroportet e tjera të vendit ballkanik po bëhet gjithnjë e më e madhe, ndërkohë që përveç katariotëve, kinezëve, francezëve janë paraqitur edhe kompani turke, njoftoi sot faqja greke e internetit reporter.gr.

Kompania "Turkish airlines" para pak kohësh tha se ka interes jo vetëm për aeroportet greke, të ofruara për privatizim, por edhe se ka për qëllim që aeroplanët e saj të fluturojnë deri në ishullin e Kretës, t'i rrisin fluturimet deri në Athinë dhe ta zgjerojnë bashkëpunimin me kompaninë greke "Eagean airlines".

Kompania "Qatar airwaves" tregoi e para interes për privatizimin e aeroportit "Eleftherios Venizelos". Ndërkohë, përfaqësuesit e dy kompanive gjigante kineze u takuan dje me zyrtarë të lartë të Ministrisë greke të Financave dhe me drejtuesit e agjencisë për privatizim duke shprehur interes për pjesëmarrje në procesin e tenderimit.

Pjesë nga privatizimi i aeroporterve greke dëshirojnë edhe francezët. Në lojë janë përfshirë edhe ''Aeroports de Paris'', një nga operatorët më të mëdhenj të aeroporteve në Evropë.

HermesNews - ©2013

Dërgo me email | Stampo artikullin