14/03/2013 17:31:31

BQE, çështjet që Greqia duhet të zgjidhë

'Progrese domethënëse janë bërë, por disa çështje kanë mbetur ende pezull', theksoi BQE në një mesazh të shkurtër duke shtuar se diskutimet mes Athinës dhe Trojkës

FRANKFURT - Greqia ka bërë progrese domethënëse përsa i përket reformave, por shumë çështje mbeten për t'u zgjidhur, deklaroi sot Banka Qendrore evropiane BQE, që së bashku me kreditorët e Athinës, BE dhe Fondin Monetar Ndërkombëtar (FMN), vlerësoi zhvillimet e vendit.

"Progrese domethënëse janë bërë, por disa çështje kanë mbetur ende pezull'', theksoi BQE në një mesazh të shkurtër duke shtuar se diskutimet mes Athinës dhe Trojkës, shtyrë një ditë më parë për të mundësuar zgjidhjen e këtyre çështjeve, do të rifillojnë në fillim të muajit prill.

Një ditë më parë, ministri grek i Financave, Yannis Sturnaras njoftoi përfundimin e përkohshëm të diskutimeve për të marrë kohë për zgjidhjen e disa problemeve teknike të hasura dhe njoftoi një rikthim të Trojkës në fund të muajit ose në fillim të muajit prill.

HermesNews - ©2013

Dërgo me email | Stampo artikullin