14/03/2013 10:43:49

Deborah Jones mund të jetë ambasadorja e re amerikane në Libi

Jones do të pasojë Christopher Stevens, vrarë më 11 shtator 2010 pas një sulmi kundër një kompleksi diplomatik në Bengazi

WASHINGTON - Presidenti amerikan, Barack Obama njoftoi dje vendimin e tij për emërimin e një diplomateje, Deborah Jones, në postin e ambasadores në Libi, gjashtë muaj pas vdekjes së shefit të misionit amerikan në këtë vend në një atentat në Bengazi.

Jones, emërimi i së cilës do të konfirmohet nga Senati ku kundërshtarët republikanë të Obamës disponojnë një pakicë bllokimi, ka qenë deri tani anëtare e grupit të reflektimit në Uashington "Middle East Institute" pasi ka qenë ambasadore në Kuvajt nga viti 2008 deri në vitin 2011.

Në 31 vjet karrierë në Departamentin e Shtetit, Jones është dërguar kryesisht në Lindjen e Mesme, si në Siri, në Emiratet e Bashkuara Arabe dhe në Turqi. Ajo ka qenë gjithashtu edhe drejtoreshë e zyrës së çështjeve të gadishullit Arabik nga viti 2002 në vitin 2004.

Nëse ajo merr dritën e gjelbër nga dhoma e lartë, Jones do të pasojë Christopher Stevens, vrarë më 11 shtator 2010 pas një sulmi kundër një kompleksi diplomatik në Bengazi me tre agjentë të tjerë amerikanë.

HermesNews - ©2013

Dërgo me email | Stampo artikullin