13/03/2013 19:49:02

Kush është Papa Francesco I ?

Papa i ri është 77 vjeçari nga Argjentina Horge Mario Bergolio, që do të quhet Papa Francesco i parë

(21:00) Kush është Papa Francesco?

Papa Francesku, me emrin e lindjes Mario Bergoglio, i lindur në Buenos Aires si një ndër pesë fëmijët e një punonjësi italian të hekurudhës, konsiderohej si një prej figurave më të devotshme dhe me influencë në Kishën Katolike, ndonëse jo një favorit i qartë për të pasuar Benediktin XVI. Ai do te jete Papa i pare ne historine e Vatikanit, me origjine nga Amerika e Jugut.

I formuar në seminarin e "Vila Devoto"-s, ai u diplomua në San Miguel për filozofi nga Kolegji i Lartë Katolik i San Hozesë dhe në vitet në vazhdim, dha mësim në literaturë dhe psikologji, në një kolegj të Santa Fesë dhe më pas në Buenos Aires.

I urdhërar "at" në vitin 1969, Bergoglio shërbeu si një prift në zonat e largëta në Argjentinë midis viteve 1973-79, ku aftësitë mbresëlënëse në komunikim, thjeshta, perultesia dhe aftesia e tij ne përhapjen e fesë katolike, e ndihmuan që në 1980-n të rikthehej në Buenos Aires, për t'u bërë reaktor i universitetit në të cilin u formua.

Papa Francesku u transferua në Europë në vitin 1986, në Gjermani, për të vazhduar karrierën e tij akademike, por pas mbrojtjes së tezës së doktoraturës, u rikthye në atdhe, ku shërbeu përsëri si peshkop në një kishë në Kordoba.

Ishte Papa Gjon Pali i Dytë ai që duke vlerësuar punën e një jete të Papës Bergoglio, një njeri i përulur, veçanërisht i devotshëm dhe që pavarësisht mundësive për të bërë një karrierë të rehatshme në zyrat e Kishës Katolike, zgjodhi jetën e një misionari të vazhdueshëm, që në vitin 2001 e thirri në Vatikan, ku në 21 shkurt e nderoi duke e graduar kardinal.

Si kardinal, Bergoglio edhe një herë më shumë u bë i njohur për përultësinë e tij, konservatorizmin ndaj doktrinës së krishterë dhe drejtësisë shoqërore. Ndryshe nga kardinalët e tjerë, Francesco refuzoi që të jetonte në apartamentet luksoz me shpenzimet e Vatikanit, duke zgjedhur një banesë të thjeshtë, per te jetuar me pagen e tij modeste.

Ai gjithashtu refuzoi transportin me makinë, duke preferuar të lëvizte me mjetet e zakonshme të transportit, ndërsa gatuan vetë.

Në vitin 2005, kardinali argjentinas, i pari Papë nga Amerika e Jugut, mori pjesë në konklavën, nga e cila u zgjodh Benedikti XVI, pas vdekjes së Karol Vojtilës, Papa Gjon Palit të Dytë.

Bergoglio është një teolog i kompletuar, i cili e ka distancuar veten nga teoritë liberale, duke zgjedhur rrugën e konservatorizmit. Ai është shprehur kundër martesave homosokesuale, duke kundërshtuar ashpër vendimin e shtetit argjentinas për t'i ligjëruar në 2010-n, por ka kërkuar që kisha t'u mësojë anëtarëve të këtij komuniteti fjalën e saj dhe të mos i syrgjynosë, duke thënë se rruga e vetme që mund të ndjekë kisha është ajo e dashurisë për njeriun.

Papa Francesku, i pari me këtë emër, është gjithashtu një kundërshtar i ashpër i abortit dhe eutanazinë.

(20:00) Papa i ri eshte 77 vjecari nga Argjentina Horge Mario Bergolio, qe do te quhet Papa Francesko i pare. Pas votimit te trete te 115 kardinaleve, nga Kapela Sistina doli tymi i bardhe ne oren 19.06 minuta qe lajmeroi se bota katolike tashme kishte drejtuesin e saj. Nga ballkoni i bazilikes se Shen Pjetrit, Papa Francesko i pare ka pershendetur mijera besimtare te mbledhur ne shesh.

VATIKAN - Tym i bardhë doli sot pasdite rreth orës 19:05 GMT nga Kapela Sistine duke njoftuar kështu zgjedhjen e një Pape të ri nga 115 kardinalët me të drejtë vote për të pasuar Papa Benediktin e XVI.

Për të mësuar emrin e tij duhet pritur që drejtuesi i ri i Kishës Katolike të pranojë detyrën e tij, të zgjedhë një emër, para se kardinali francez Jean-Louis Tauran, të bëjë njoftimin zyrtar "habemus papam" dhe që Papa i ri të dalë në ballkonin e Bazilikës së Shën Pjetrit.

HermesNews - ©2013

Dërgo me email | Stampo artikullin