13/03/2013 17:41:08

KQZ shtyn miratimin e rregullores

Rendi i ditës i mbledhjes së sotme të KQZ-së parashikonte shqyrtimin e disa shtesave dhe ndryshimeve në rregulloren e Komisionit

TIRANË - Komisioni qendror i zgjedhjeve (KQZ) vendosi të mërkurën të shtyjë miratimin e ndryshimeve në rregulloren e funksionimit të këtij institucioni. Anëtarët e Komisionit ranë dakord me konsensus që ndryshimet e propozuara të formatohen nga administrata zgjedhore dhe të risillen në trajtën e një rregulloreje të re.

Rendi i ditës i mbledhjes së sotme të KQZ-së parashikonte shqyrtimin e disa shtesave dhe ndryshimeve në rregulloren e Komisionit. Por, përfaqësuesit e opozitës i kundërshtuan këto ndërhyrje duke propozuar hartimin nga administrata zgjedhore të një dokumenti të ri që do të përcaktojë mënyrën e organizimit dhe funksionimit të këtij institucioni.

Pas debatesh palët ranë dakord që të mblidhen të premten dhe të diskutojnë rreth një varianti të ri, i cili do të formulohet mbi ndryshimet e sjella sot nga administrata e KQZ-së.

HermesNews - ©2013

Dërgo me email | Stampo artikullin