13/03/2013 17:19:01

Agronet, rrjeti për agro-ushqimet

Projekti ka për qëllim të plotësojë hapësirat strukturore, institucionale dhe ekonomike, që janë bërë pengesë për rritjen e sistemit të shkëmbimeve të ndërmarrjeve të vogla dhe të mesme

TIRANË - Projekti Agronet, i cili ka si objektiv parësor krijimin e një rrjeti funksional e të përhershëm të strukturave të logjistikës së shpërndarjes së prodhimeve agro-ushqimore ndërmjet vendeve të pellgut Adriatiko-Jonian duke filluar nga viti 2013, u prezantua sot në Tiranë. Gjatë aktivitetit të organizuar për këtë qëllim, METE si partner kryesor ka garantuar mbështetjen e saj, nëpërmjet Sekretarit të Përgjithshëm, Dael Dervishi.

Gjatë fjalës përshëndetëse Sekretari i përgjithshëm i ministrisë së ekonomisë, Tregtisë dhe Energjetikës theksoi se “projekti ka për qëllim të plotësojë hapësirat strukturore, institucionale dhe ekonomike, që janë bërë pengesë për rritjen e sistemit të shkëmbimeve të ndërmarrjeve të vogla dhe të mesme”.

Partneri kryesor i projektit është FINEST, të cilit përveç një sërë partnerësh të rëndësishëm italianë, i janë bashkuar edhe partnerë nga brigjet lindore të Adriatikut, dhe më konkretisht përfaqësues të Sllovenisë, Kroacisë, Bosnje Hercegovinës dhe Shqipërisë. Partneri shqiptar i projektit është Ministria e Ekonomisë, Tregtisë dhe Energjetikës.

HermesNews - ©2013

Dërgo me email | Stampo artikullin