13/03/2013 16:49:03

Siri, OKB kërkon zhbllokim fondesh

Komisariati i Lartë i Kombeve të Bashkuara për Refugjatët (UNHCR) theksoi se ka arritur në një milion shifra e refugjatëve sirianë të regjistruar, dy vjet pas fillimit të revoltës në Siri

AMAN - OKB-ja i ka bërë thirrje sot komunitetit ndërkombëtar që të zhbllokojë masivisht fondet për të ndihmuar një milion refugjatët sirianë, të cilët janë larguar nga konflikti në vendin e tyre. "U bëj thirrje të gjitha vendeve që dëshirojnë të ndihmojnë, që dëshirojnë të shprehin solidaritetin e tyre (...), u bëj thirrje qeverive dhe vendeve që të aprovojnë fondet në mënyrë masive për të ndihmuar refugjatët sirinë", deklaroi komisioneri i Lartë i OKB-së për Refugjatët, Antonio Guterres, në një konferencë shtypi në Aman. "Në qoftë se kjo nuk ndodh me buxhetet e zakonshme të OKB-së për ndihmë, ne nuk do të jemi në gjendje të shpërndajmë ndihmën e nevojshme", theksoi ai.

HermesNews - ©2013

Dërgo me email | Stampo artikullin