13/03/2013 10:33:50

Japonia kërkon forcimin e sigurisë me vendet e Azisë juglindore

ASEAN grupon vendet e mëposhtme, Brunei, Kamboxha, Indonezia, Laosi, Malajzia, Birmania, Filipinet, Singapori, Tajlanda dhe Vietnami

TOKIO - Japonia, që ka mosmarrëveshje territoriale me Kinën, u bëri thirrje sot në Tokio vendeve të Azisë Juglindore, që të zhvillonin një politikë më të fortë rajonale sigurie. "Rajoni i Azi-Paqësorit po përballet me disa probleme lidhur me sigurinë dhe mbrojtjen duke përfshirë edhe konfliktet territoriale në Detin e Kinës Jugore", deklaroi zëvendësministri japonez i Mbrojtjes, Akinori Eto në fillim të takimit të 10 vendeve të ASEAN (Shoqata e Kombeve të Azisë Juglindore). ASEAN grupon vendet e mëposhtme, Brunei, Kamboxha, Indonezia, Laosi, Malajzia, Birmania, Filipinet, Singapori, Tajlanda dhe Vietnami. Gjatë këtij takimi dy ditor në nivelin e zëvendësministrave të Mbrojtjes, përfaqësuesi japonez bëri thirrje për një përforcim të lidhjeve të sigurisë dhe të mbrojtjes mes Japonisë dhe këtyre vendeve.

HermesNews - ©2013

Dërgo me email | Stampo artikullin