12/03/2013 04:14:45

Turqia arreston 4 sirianë për sulme në kufi

Forcat tona të sigurisë kanë arrestuar katër sirianë dhe një turk si pjesë e këtij sulmi

ANKARA - Policia turke ka arrestuar sot katër sirianë, të cilët kanë lidhje me regjimin e Damaskut, të dyshuar për një atentat me autobombë në shkurt kundër një postkomade kufitare turko-siriane, ku humbën jetën të paktën 14 persona, u shpreh ministri i Brendshëm turk, Muammer Guler. "Forcat tona të sigurisë kanë arrestuar katër sirianë dhe një turk si pjesë e këtij sulmi", deklaroi ministri për mediat vendase duke shtuar se të dyshuarit kishin lidhje me ushtrinë siriane. Një automjet i regjistruar në Siri shpërtheu më 11 shkurt në postbllokun kufitar Cilvegozu, në rajonin e Reyhanli, që ndan zonën turke me atë siriane, duke shkaktuar 14 të vdekur. Turqia ka ndërprerë çdo lidhje diplomatike me regjimin e presidentit Bashar al-Assad dhe ka strehuar në territorin e saj rreth 290 000 refugjatë sirianë.

HermesNews - ©2013

Dërgo me email | Stampo artikullin