11/03/2013 18:21:00

Formulari A1 dhe udhëzimet për maturantët online

Plotësimi i formularit nga nxënësit do të bëhet në faqen zyrtare të Agjencisë Kombëtare të Provimeve dhe më ndihmën e e-mailit çdo kandidat do të marrë kodin personal të aplikimit

TIRANE - Plotësimi i formularit A1 nis në Portalin Qeveritar dhe përfundon në Portalin Matura Online në shkollën që caktohet nga DAR/ZA. Sipas udhëzmit ky proces ndiqet nga një person i ngarkuar nga drejtoria e shkollës, që quhet mbikëqyrës. Ai pajiset me kodin përkatës të hyrjes në sistem dhe vetëm pasi mbikëqyrësi vendos kodin në sistem, maturanti mund të përfundojë plotësimin e formularit A1.

Më pas lista me të dhënat e marra nga plotësimi i formularëve printohet, nënshkruhet nga maturanti, mbikëqyrësi dhe vuloset nga drejtori i shkollës ku plotësohen formularët A1. Këto lista do të ruhen deri në përfundim të Maturës Shtetërore 2013.

Maturantët kanë afat deri më 20 mars për të caktuar online dy lëndët me zgjedhje, kreditet e të cilave duhet të jenë jo më pak se tetë. Çdo maturant mund të zgjedhë një ose dy gjuhë të huaja të ndryshme, me kusht që njëra do të trajtohet si gjuhë e huaj e parë dhe tjetra si gjuhë e huaj e dytë, pavarësisht nëse ka bërë ose jo në shkollë. Maturantët e shkollave artistike mund të zgjedhin vetëm njërën nga lëndët e grupit II.

Formulari A1, që do të plotësohet nga maturantët për t’u regjistruar në Maturen Shteterore 2013, është gati. Aplikimi i tij do të kryhet njësoj në të gjithe rrethet, por qyteteve të tjera u është vënë më shumë kohë në dispoziocion për këtë proces.

HermesNews - ©2013

Dërgo me email | Stampo artikullin