11/03/2013 17:39:53

UPT gati per akreditim

Agjencia Publike të Akreditmit të Arsimit të Lartë konfirmon se do të jenë dy ekspertë të huaj që do të merren me akreditimin e Universitetit Politeknik

TIRANE - Universiteti Politeknik i Tiranës (UPT), i cili ka në përbërjen e tij shtatë fakultete, do të jetë i pari që do të marrë akreditimin për kurrikulat, stafin akademik dhe infrastrukturën, ku përfshihet edhe puna kërkimore shkencore. Sipas rektoratit procesi i akreditimit do të përfundoj në muajin maj. Agjencia Publike të Akreditmit të Arsimit të Lartë konfirmon se do të jenë dy ekspertë të huaj që do të merren me akreditimin e Universitetit Politeknik. Për akreditimin institucional kostoja shkon rreth 200 mijë lekë ndërsa për akreditimin e programeve kushton gati 100 mijë lekë. Të ardhurat e arkëtuara nga shërbimet e realizuara nga Agjencia Publike e Akreditimit të Arsimit të Lartë shpërndahen 10% në Buxhetin e Shtetit dhe 90% në buxhetin e Agjencisë së Akreditmit. Përmes akreditimit, UPT do tregojnë se sa cilësore dhe të besueshme janë diplomat e tij universitare.

HermesNews - ©2013

Dërgo me email | Stampo artikullin