11/03/2013 09:49:23

Japoni, heshtje për viktimat

Në orën 14:46, sirenat do të bien në minutën ku një tërmet super i fuqishëm, me magnitudë nëntë ballë Rihter, goditi fundin e oqeanit Paqësor

TOKIO - Japonezët do të mbajnë sot një minutë heshtje në orën 14:46, në kujtim të rreth 20 000 të vdekurve dhe të zhdukurve nga tërmeti dhe cunami i 11 marsit 2011, katastrofë e ndjekur nga një aksidenti i tmerrshëm bërthamor në Fukushima.

Japonia do të ndërpresë sot çdo aktivitet për të kujtuar cunamin e tmerrshëm në rajonin Tohoku dhe për të konstatuar përmasat e kaosit të trashëguar nga kjo katastrofë historike që shkaktoi rreth 20 000 të vdekur dy vjet më parë.

Në orën 14:46, sirenat do të bien në minutën ku një tërmet super i fuqishëm, me magnitudë nëntë ballë Rihter, goditi fundin e oqeanit Paqësor disa dhjetëra kilometra në bregun verilindor të Japonisë.

Të paktën një orë më vonë, një valë gjigante prej 20 metrash lartësi përfshiu litoralin duke marrë çdo gjë dhe dyke shkatërruar porte, shtëpi, shkolla dhe uzina.

Në centralin bërthamor të Fukushimas, Daiichi, sistemet e ftohjes u dëmtuan si pasojë e tronditjes dhe u nxehës deri sa shkaktuan një incident të konsiderueshëm, të pazakontë që prej Çernobilit, 25 vjet më parë.

Bilanci zyrtar i kësaj katastrohe arrin sot në 15 880 të vdekur dhe 2 694 të zhdukur. Një milion shtëpi janë shkatërruar dhe dy vjet pas katastrofës, grumbuj mbeturinash vazhdojnë të ndotin brigjet amerikane në krahun tjetër të Paqësorit.

Ceremoni të shumta u zhvilluan në bregun e shkatërruar, por gjithashtu dhe në Tokio, ku një përkujtim kombëtar u zhvillua me pjesëmarrjen e perandorit, presidentit, perandoreshës dhe kryeministrit.

HermesNews - ©2013

Dërgo me email | Stampo artikullin