09/03/2013 05:17:52

Washington, selia diplomatike pretendon se është lënë pa fonde

Letër e fortë, për një situatë të turpshme, ku Ambasada shqiptare shkruan se nuk ka para të paguajë pastrueset dhe sekretaret, nuk ka shofer dhe as karburant për makinën

WASHINGTON - Misioni zyrtar diplomatik i Shqipërisë ka deklaruar se është në krizë mbijetese. Ambasada vendosi të bënte publik një dokument ku titullari bën të ditur se Ambasada është praktikisht e falimentuar dhe në pamundësi të sigurojë as jetesën e përditshme të diplomatëve me paratë që i jep Qeveria e jo më funksionet diplomatike.

Letra që mban firmën e Ambasadorit Gilbert Galanxhi i drejtohet Sekretarit të përgjithshëm në Ministrinë e jashtme Gazmend Turdiu, ka shkuar për dijeni edhe të Kryeministrit Sali Berisha dhe Ministrit të jashtëm Edmond Panariti.

Letër e fortë, për një situatë të turpshme, ku Ambasada shqiptare shkruan se nuk ka para të paguajë pastrueset dhe sekretaret, nuk ka shofer dhe as karburant për makinën.

Ambasada akuzon Qeverinë se "ka vendosur ta zëvendësojë misionin e ambasadës me kompani lobuese që kanë një koso shumë më të lartë".

HermesNews - ©2013

Dërgo me email | Stampo artikullin