08/03/2013 18:50:53

Kush është Milos Zeman ?

Nga Jan Marchal

PRAGË - Presidenti çek, Milos Zeman bëri sot betimin si president duke pasuar Vaclav Klaus, mandati i dytë i të cilit dhe i fundit përfundoi dje në mesnatë.

Veteran i së majtës çeke dhe kryeministër nga viti 1998-2002, Zeman, 68 vjeç, fitoi bindshëm më 26 janar zgjedhjet presidenciale me 54,8 për qind të votave.

I arsimuar për ekonomik, ai arriti pikën kulminante të karrierës së tij politike, pasi mbajti postet e shefit të Dhomës së Ulët të Parlamentit (1996-1998) dhe kryeministrit (1998-2002).

I lindur më 28 shtator 1944 në Kolin pranë Pragës, Milos Zeman formoi së bashku me artizanin e ''Revolucionit të Kadifenjtë'' Vaclav Havel dhe Vaclav Klaus, trion më të njohur për zhvillimin e vendit që prej rrëzimit të komunizmit.

Me gjuhën e ashpër të Milos Zeman, politika është gjithçka përveç mërzitjes. Sipas tij, gazetarët janë ''endacakë'' dhe ''budallenj''. ''Birra sllovake është e mirë vetëm për të larë dhëmbët'' dhe militantët ekologjistë ndotin natyrën më shumë se brumbulli''.

Në vitin 2002, ai krahason në një intervistë presidentin palestinez, Yasser Arafat me drejtuesin nazist, Adolf Hitler duke e denoncuar mënjëherë si një gabim në shenjat e pikësimit që ndikuan gabimisht në përgjigjen e tij.

I anëtarësuar në partinë komuniste në vitin 1968, ai përjashtohet në vitin 1970. Miqtë e tij e admiruan për kurajon me të cilën ai kritikoi në atë kohë ekonominë komuniste.

Pas ''Revolucionit të Kadifenjtë'' 1989, ai bëhet pjesë e patisë Social-Demokrate CSSD. Ai bëhet shef i kësaj partie në vitin 1993 dhe e transformon në një forcë politikë të sigurt.

I konsideruar për një kohë të gjatë si armik i betuar i Vaclav Klaus, që prej vitit 1989 ministër i Financave, kryeministër, shef i Dhomës së Ulët dhe president i Republikës, ai nuk hezitoi të arrinte me të një ''pakt stabiliteti''.

Kjo marrëveshje i mundësoi Milos Zeman, në atë kohë shef i Dhomës së Ulët të Parlamentit, të krijonte në vitin 1998 qeverinë e tij minoritare në këmbim të drejtimit të dy dhomave të Parlamentit për partinë e djathtë ODS të Klaus.

Në vitin 2003, drejtoi pa sukses presidencën e vendit. Në vitin 2007, ai largohet nga CSSD për të themeluar në vitin 2010 "Partinë e të Drejtave Qytetare" (SPOZ).

I martuar me Ivanan, 47 vjeçe, ai është baba i një djali nga martesa e parë dhe i një vajze. Mbështetës i traditës çeke, ai shfaq pasionin për birrën dhe likerin vendas ''Becherovka''.

HermesNews - ©2013

Dërgo me email | Stampo artikullin