08/03/2013 17:56:44

Grillo: Italia mund të përfshihet nga aktet e dhunës

'Duhet të bëhet shumë kujdes me faktorin irritim të popullit sepse ata janë realisht në një situatë tepër të keqe', theksonte Grillo për revistën Time

ROMË - Beppe Grillo ka deklaruar dje se aktet e dhunës rrezikojnë të sundojnë Italinë, nëse ''Lëvizja 5 Yjet'', e kryesuar prej tij (M5S) nuk arrin të ndryshojë mënyrë se si qeveriset vendi. "Jam përpjekur ta kanalizoj irritimin e popullit përmes Lëvizjes 5 Yjet", deklaroi Grillo, grupimi i të cilit mban balancat e pushtetit në parlamentin italian, pasi zgjedhjet elektorale të përgjithshme të muajit të kaluar nuk nxorrën asnjë fitues të qartë me shumicën e qnevojshme për një qeveri në Dhomën e Deputetëve dhe në Senat. ''Duhet të bëhet shumë kujdes me faktorin irritim të popullit sepse ata janë realisht në një situatë tepër të keqe'', theksonte Grillo për revistën Time. "Duhet të na falenderojnë një e nga një. Nëse ne dështojmë, Italia do të drejtohet nga dhuna e rrugëve", përfundonte Grillo.

HermesNews - ©2013

Dërgo me email | Stampo artikullin