07/03/2013 10:35:45

Mbi 3 milion zgjedhës në votime: gati listat

3,264,416 zgjedhës janë afishuar qartë pranë 5,485 qendrave të votimit në çdo njësi të qeverisjes vendore ndërsa 21,548 zgjedhës nuk janë përfshirë në listat e zgjedhësve, për shkak të kritereve të ligjit mbi numrin e zgjedhësve që duhet të ketë një qendër votimi

TIRANË - "Lista e zgjedhësve është rigjeneruar dhe kjo listë përmban 3 milionë 285 mijë e 964 zgjedhës”, deklaroi në një konferencë për shtyp, zv.ministri i Brendshëm, Ferdinand Poni. Ai u apeloi sërish disa përfaqësuesve vendorë që të respektojnë afatetligjore për përmbylljen e këtij procesi administrativ duke bërë ndryshimet e duhura në lista. Më tej, Poni tha se 3,264,416 zgjedhës janë afishuar qartë pranë 5,485 qendrave të votimit në çdo njësi të qeverisjes vendore ndërsa 21,548 zgjedhës nuk janë përfshirë në listat e zgjedhësve, për shkak të kritereve të ligjit mbi numrin e zgjedhësve që duhet të ketë një qendër votimi. Ai tha se pas gjenerimit të ekstraktit të datës 3 mars, rezultojnë akoma 3,431 rekorde të personave të dyshuar si të dubluar, pra që zyrat e gjendjes civile janë akoma në proçes verifikim.

HermesNews - ©2013

Dërgo me email | Stampo artikullin