06/03/2013 16:32:52

Xhakja, pyeten deshmitaret

Seanca e sotme, vijoi me pyetjen e katër dëshmitarëve

TIRANË - Në Gjykatën e Krimeve të Rënda u zhvillua sot seanca në ngarkim të të pandehurit Ilir Xhakja, i akuzuar si autor i vrasjes së shefit të policisë së Shijakut, Adem Tahiraj. Seanca e sotme, vijoi me pyetjen e katër dëshmitarëve.

Sikurse u pohua para trupit gjykues, nga nje pjesë e dëshmitarëve, ata kanë patur vetëm njohje me viktimën, por nuk kanë patur dijeni për vrasjen pasi nuk ishin prezent në momentin e ngjarjes.

Seanca e radhës për çështjen pritet të zhvillohet në 13 mars. Ilir Xhakja akuzohet se është autor i vrasjes me armë zjarri të Kryekomisar Adem Tahirajt në 13 shtator 2012 gjatë një aksioni policor në Katund Sukth, Durrës.

Xhakja, i arrestuar pak orë pas ngjarjes, është person me precedentë të theksuar penal, sipas policisë.

HermesNews - ©2013

Dërgo me email | Stampo artikullin