06/03/2013 16:30:44

Itali, Grillo çfarë do bësh për krizën?

Lëvizja e Grillos ka balancën e pushtetit në parlament pasi zgjedhjet në Itali nuk dhanë një fitues të qartë, por ish-komediani ka deklaruar se nuk do të japë votëbesimin për një administratë të drejtuar nga Bersani apo ndonjë parti tjetër

ROMË - Pier Luigi Bersani deklaroi se Beppe Grillo duhet të bëjë të qartë se cilat janë planet e tij për të kapërcyer pikën e ''bllokimit politik'' në Itali.
Lëvizja e Grillos ka balancën e pushtetit në parlament pasi zgjedhjet në Itali nuk dhanë një fitues të qartë, por ish-komediani ka deklaruar se nuk do të japë votëbesimin për një administratë të drejtuar nga Bersani apo ndonjë parti tjetër.
''Të gjithë duhet të marrin përsipër përgjegjësitë e tyre'', deklaroi Bersani gjatë një takimi me zyrtarë të partisë së tij. ''Edhe ai që ka marrë mbështetjen e tetë milionë votuesve dhe që ka zgjedhur rrugën parlamentare duhet t'i bëjë të qarta planet e tij'', theksoi ai, ku i referohej Grillos. Bersani deklaroi se nuk do të pranonte "marrëveshje false" dhe shtoi se PD-ja nuk do të lejonte të përdorej si shënjestër.

HermesNews - ©2013

Dërgo me email | Stampo artikullin