06/03/2013 07:41:00

Ndërron jetë Presidenti venezuelan Hugo Chavez

BE ngushellon popullin venezuelan

(16:27) Bashkimi Europian shpreson në një thellim të marrëdhënieve me Venezuelën të cilën e vlerëson për një zhvillim të dukshëm social, sipas një deklarate të liderëve të BE-së. ''Me besimin se marrëdhëniet me Venezuelën do të thellohen në të ardhmen BE-ja i shpreh popullit ngushëllimet dhe mbështetjen për vdekjen e Chavez'', thuhej në deklaratën e Van Rompuyt dhe Barrosos. ''Venezuela është dalluar për zhvillimin e saj social dhe kontributin e dhënë për integrimin rajonal të Amerikës së Jugut'', theksonin presidenti evropian, Herman van Rompuy dhe ai i Komisionit Evropian, Jose Manuel Barroso.

(09:28) Hugo Chavez vdiq duke lënë një komb qartësisht të ndarë'' është titulli që gazeta amerikane ''New York Times'' boton në edicionin e saj on-line duke komentuar vdekjen e diktatorit venezuelian, siç edhe e konsiderojnë të gjitha mediat amerikane.

Në të njëjtën linjë gazeta tjetër amerikane ''Washington Post'' flet për një ''lider pasionant, por kontrovers''. CNN jep një lajm tepër lakonik me titull ''Hugo Chavez vdiq, zëvendëspresidenti i vendit i përlotur''. Televizioni tjetër amerikan ABC News pyet ''Pas Chavezit, çdo të ndodhë në Venezuelë?''.

Ndërkohë, televizioni progresist MNBC News mban titullin ''Ja përsa 'El Comandante' (''komandanti'' i referohet Chavezit - shën. përkth.) do të jetë i vështirë për t'u zëvendësuar''.

Presidenti venezuelian, Hugo Chavez vdiq dje në mbrëmje vonë në Karakas si pasojë e një kanceri, njoftoi në televizionin shtetëror zëvendëspresidenti, Nicolas Maduro.

"Ne morëm njoftimin më tragjik dhe më sfidues që duhet t'ia themi popullit tonë. Në orën 20:55 GMT, sot më 5 mars, vdiq presidenti ynë, Hugo Chavez Frias pasi luftoi ashpër për të paktën dy vjet kundër një sëmundjeje'', deklaroi Maduro i përlotur.


(08:01) SHBA konfirmojnë mbështetjen e tyre ndaj popullit venezuelian, deklaroi sot presidenti amerikan, Barack Obama, që sipas tij ''hap edhe një kapitull të ri të historisë së vendit latinoamerikan...në këtë moment të vështirë nga vdekja e presidentit Hugo Chavez, SHBA theksojnë mbështetjen për popullin venezuelian dhe interesin për zhvillimin e marrëdhënieve konstruktive me qeverinë venezueliane. Në një moment kur Venezuela fillon një kapitull të ri të historisë së saj, SHBA mbeten të impenjuara në politikat që promovojnë principet demokratike, shtetin e së drejtës dhe respektimin e të drejtave të njeriut'', thekson presidenti amerikan, Obama.


(07:41) Çmimi i naftës u rrit në Azi pas vdekjes së presidentit venezuelian, Hugo Chavez, që hap edhe një periudhë paqartësie në Venezuelë, prodhuesi kryesor i naftës në Amerikën Latine, thanë shpërndarësit.

Çmimi i një fuçie naftë "light sweet crude" (WTI) u rrit me 19 centë duke arritur në 91,01 dollarë, ndërkohë që një fuçi naftë bruto ''Brent North Sea'' u rrit 53 centë duke vajtur në 112,14 dollarë.

''Vdekja e Chavezit, 58 vjeç, e çon vendin dhe rajonin drejt paqartësisë, përpara zhvillimit të zgjedhjeve presidenciale brenda 30 ditëve'', theksoi Jason Hughes, shpërndarës në IG Markets në Singapor.


KARAKAS - Presidenti venezuelian, Hugo Chavez vdiq dje në mbrëmje vonë në Karakas si pasojë e një kanceri, njoftoi në televizionin shtetëror zëvendëspresidenti, Nicolas Maduro.

"Ne morëm njoftimin më tragjik dhe më sfidues që duhet t'ia themi popullit tonë. Në orën 20:55 GMT, sot më 5 mars, vdiq presidenti ynë, Hugo Chavez Frias pasi luftoi ashpër për të paktën dy vjet kundër një sëmundjeje'', deklaroi Maduro i përlotur.

Arkëmorti i presidentit venezuelian, Hugo Chavez, i cili vdiq dje në mbrëmje vonë, do të ekspozohet sot në hollin e Akademisë Ushtarake në Karakas, përpara funeralit kombëtar që do të zhvillohet të premten, njoftoi ministri i Jashtëm venezuelian, Elias Jaua, i cili shtoi se presidenca e vendit kishte dekretuar shtatë ditë zi kombëtare.

"Homazhet do të zhvillohen në Akademinë Ushtarake, sot, të enjten dhe të premten'', deklaroi Jaua. "Të premten në orën 10:00 do të zhvillohet ceremonia zyrtare e funeralit'', shtoi ai.

Presidenti venezuelian, Hugo Chavez vdiq dje në mbrëmje vonë në Karakas si pasojë e një kanceri, njoftoi në televizionin shtetëror zëvendëspresidenti, Nicolas Maduro.

HermesNews - ©2013

Dërgo me email | Stampo artikullin