05/03/2013 19:38:53

Moldavi, shkarkohet Qeveria proeuropiane

Mocioni i mosbesimit ndaj qeverisë së Vlad Filat, propozuar nga opozita komuniste, u votua nga 54 nga 101 deputetë

KISHINJEV - Qeveria proevropiane e Moldavisë u shkarkua nga Parlamenti, një vendim që i hap rrugën një periudhe tjetër paqendrueshmërie politike dhe kompromenton aspiratat evropiane të kësaj ish-republike sovjetike rumanofone. Mocioni i mosbesimit ndaj qeverisë së Vlad Filat, propozuar nga opozita komuniste, u votua nga 54 nga 101 deputetë, prej të cilëve dhe komunistë, por gjithashtu dhe nga deputetë që bëjnë pjesë në Aleancën e Integrimit Evropian, në pushtet. "Nuk ka asnjë argument për të mbajtur në pushtet qeverinë aktuale, përgjegjëse për varfërinë dhe e lidhur me korrupsionin'', deklaroi para deputetëve ish-presidenti moldav, Vladimir Voronin, shef i partisë komuniste. "Të gjitha abuzimet e qeverisë janë mbuluar nga funksionarët evropianë që kanë mbështetur pushtetin aktual'', shtoi Voronin. Disa anëtarë të qeverisë janë bërë aktualisht objekt i hetimeve për korrupsion dhe rrezikojnë vite burg nëse shpallen fajtorë. Presidenti moldav, Nicolae Timofti ka 45 ditë për t'i propozuar deputëve një kryeministër të ri.

HermesNews - ©2013

Dërgo me email | Stampo artikullin