04/03/2013 16:16:50

Siri, mbi 3 milionë të ikur nga konflikti

Në një periudhë kohore prej vetëm dy mujash të paktën milionë e njëqind mijë sirianë janë detyruar të largoheshin nga banesat dhe rajonet e tyre të lindjes

BEJRUT - Tre milionë e 600 mijë civilë janë të zhvendosur dhe në lëvizje nga rajoni në rajon në brendësi të territorit sirian për shkak të dhunës që ka përfshirë të gjithë Sirinë, deklaroi sot koordinatori i Ndihmave Humanitare në Siri, Radhouane Nouicer. Funksionari i lartë i Organizatës së Kombeve të Bashkuara që është vendosur në Damask, deklaroi se në një periudhë kohore prej vetëm dy mujash të paktën milionë e njëqind mijë sirianë janë detyruar të largoheshin nga banesat dhe rajonet e tyre të lindjes. Në një raport të Organizatës së Kombeve të Bashkuara të publikuar gjatë dhjetorit të vitit të kaluar, flitej për të paktën dy milionë e 500 mijë të zhvendosur dhe të larguar nga banesat e tyre nëpër shumë qytete të Sirisë si pasojë e luftimeve dhe akteve të dhunës.

HermesNews - ©2013

Dërgo me email | Stampo artikullin