04/03/2013 11:36:36

Samaras do të takohet me Erdogan për Detin Egje

Në temat që do të diskutohen parashikohet që Samaras të prekë çështjen e ujërave territoriale pas konfirmimit të ekzistencës së zonave nënujore të pasura në hidrokarbure në Detin Jon dhe në Jug të ishullit të Kretës

ATHINË - Në atë që konsiderohet vizita e tij e parë zyrtare në Turqi të kryeministrit grek, Adonis Samaras niset sot drejt Stambollit për takime me homologun turk, Recep Tayyip Erdogan që, sipas parashikimeve do të përfshijnë edhe disa çështje tepër ''pikante'' ndër të cilat edhe çështje shumëvjeçare e mosmarrëveshjeve mbi ujërat territoriale dhe platforma kontinentale, e rikthyer në aktualitet që kur Athina ka rifilluar muaj më parë kërkimet për naftë dhe gaz në detin Egje. Në temat që do të diskutohen parashikohet që Samaras të prekë çështjen e ujërave territoriale pas konfirmimit të ekzistencës së zonave nënujore të pasura në hidrokarbure në Detin Jon dhe në Jug të ishullit të Kretës. Një temë tjetër do të jenë kundërshtimet e paraqitura nga Erdogan për emërimin nga Athina të myftive për minoritetin mysliman në Trakë, Greqi dhe projektit, arenatosi, për ndërtimin e një xhamie në kryeqytetin grek me bashkëpunimin financiar të qeverisë së Ankarasë.

HermesNews - ©2013

Dërgo me email | Stampo artikullin